Бүген Татарстанда IX сыйныфлар өчен чит телләр буенча төп дәүләт имтиханы узды.

Имтиханда барлыгы 2,5 мең укучы катнашты.

ТР Мәгариф һәм фән министрлыгыннан алынган мәгълүматлар буенча чит телләр буенча имтихан тапшыручы укучыларның күпчелеге инглиз телен сайлаган, 80 нән артык укучы немец теленнән, 23 укучы француз теленнән белемнәрен сыный.

Чит тел буенча имтихан тапшыру өчен 2 сәгать 15 минут вакыт бирелә, шуның ике сәгате язма өлешкә бүленсә, 15 минуты-телдән тапшырылачак.

Төрле фәннәр буенча төп дәүләт имтиханнарын республиканың 37 меңгә якын укучысы тапшырачак.