Диния назәрәте МХО зонасында ифтарлар уздыра

24 февраль 2026 Мөршидә КЫЯМОВА

Махсус хәрби операция зонасында Нәзарәт тарафыннан ифтарлар оештыру дәвам итә.

Рамазан аеның 5 нче кичәсендә Луганск Җәмигъ мәчетендә авыз ачу мәҗлесе үтте. Анда мәхәллә халкы, хәзрәтләр һәм сугышчылар катнашты.

Татарстан мөфтияте казые Марат хәзрәт Мәрданшин һәм нәзарәтнең полк имамы Мөхәммәд хәзрәт Хәйруллаев җыелган халыкны мөфти Камил хәзрәт исеменнән сәламләде һәм изге ай хакында вәгазь сөйләде.

Сугышчылар өчен нәзарәт тарафыннан ифтарлар блиндажларда узган иде һәм ул Рамазан ае дәвамында дәвам итәчәк, дип хәбәр итә ТР Татарстан Диния нәзарәтенең матбугат үзәге.