Филология һәм мәдәниятара багланышлар институтында Ачык ишекләр көне

2024 елның 18 февралендә КФУның Филология һәм мәдәниятара багланышлар институтында (ИФМК) Ачык ишекләр көне уза.

Ачык ишекләр көне кысаларында абитуриентлар өчен консультация мәйданчыклары эшләячәк, институт буйлап экскурсия оештырыла, дип хәбәр итә институтның матбугат үзәге. 

Филология һәм мәдәниятара багланышлар институты укытучылары барлык сорауларга да җавап табарга булышачак.

Әлеге чара мәктәп укучылары һәм әти-әниләргә институтның белем бирү программалары, яңа ачылачак юнәлешләр һәм 2024/2025 уку елында кабул итү кагыйдәләре хакында төгәл мәгълүмат җиткерү максатыннан оештырыла.