Яшь хәбәрчеләр бәйгесе

01 февраль 2026 Әдилә БОРҺАНОВА

2026 елның 1 февраленнән 10 апреленә кадәр яшь хәбәрчеләр арасында «ЮНКОР-2026» VII ачык бәйгесе үтә. Чара онлайн форматта узачак, аны коммерцияле булмаган «Пойдем с нами» автоном оешмасы оештыра, дип хәбәр итә Татарстан Мәгариф һәм фән министрлыгының матбугат хезмәте.

«ЮНКОР-2026»да Россия төбәкләреннән һәм якын чит илләрдән 6 яшьтән 18 яшькә кадәрге яшь хәбәрчеләр катнаша ала. Бәйгедә шәхси рәвештә һәм төркем белән дә көч сынашырга мөмкин. Катнашучыларны теркәү 1 февральдән 10 мартка кадәр ачык, мастер-класслар 15 февральдән 10 мартка кадәр, ә конкурс эшләрен кабул итү 2026 елның 31 мартына кадәр дәвам итә. Нәтиҗәләр 10 апрельдә ясалачак.