Казан II Бөтенроссия балалар фольклориадасының башкаласы

19–23  июньдә Казанда II Бөтенроссия балалар фольклориадасы узачак. Биредә Россиянең төрле төбәкләреннән 1 меңнән артык кеше катнашуы көтелә, дип хәбәр итә Россиянең Мәдәният министрлыгы.

Программага бәйрәм йөреше, флешмоблар, концертлар, мастер-класслар, түгәрәк өстәлләр һәм иҗади очрашулар кертелгән. Аларны башкаланың иң яхшы сәхнәләрендә, паркларда һәм мәйданнарда карап булачак.

Тамашачылар алдында фольклор, халык-җыр коллективлары, халык биюләре ансамбльләре катнашучылары һәм солистлары, милли уен коралларында башкаручылар чыгыш ясаячак. Алар Россия халыкларының гореф-гадәтләрен һәм мәдәниятен чагылдырган номерлар тәкъдим итәчәк.

Фәния Лотфуллина

Фото: Денис Гордийко