Казан укытучысы Россия Президентының Рәхмәт хаты белән бүләкләнде

10 октября 2024 Мәгариф

Казанның 52 нче гимназиясенең география, биология һәм химия укытучысы, Бөтенроссия класс җитәкчеләре форумы илчесе Эльнара Гусейнова РФ Президенты Владимир Путинның Рәхмәт хаты белән бүләкләнде. Бу хакта форумны оештыручылар хәбәр итә.

Укытучыга бүләк Мәскәүдә узган форум мәйданчыгында тапшырылды. Эльнара Гусейнова илче сыйфатында ФКР төбәк бергәлеге үсешендә катнаша, шулай ук очрашулар, конкурслар һәм башка чаралар үткәрә.

Конкурс 2025 елда ачык форматта узачак. Ул октябрьдә булыр дип планлаштырыла. Быел бу чарада 89 төбәктән 1 мең сыйныф җитәкчесе һәм СПО төркеме кураторлары катнашты. Алар арасында Казан, Чаллы, Тәтеш, Кукмара, Түбән Кама, Алабуга һәм Саба районнарыннан 15 педагог бар.

"Татар-информ" мәгълүмат агентлыгы материаллары буенча