Казанда ДЦП диагнозлы балаларга операция ясау буенча Казахстан табибы дәресләр бирә

Чыңгыз Шашкин берничә балага операция ясар дип тә планлаштырыла.
 Казахстанның функциональ нейрохирургия буенча белгече Чыңгыз Шашкин Татарстанның Республика балалар клиник хастаханәсе хирурглары өчен мастер-класслар үткәрәчәк.
Татарстан Республикасы Сәламәтлек саклау министрлыгының рәсми сайты хәбәр итүенчә, Чыңгыз Сакаевич спастик синдромлы (ДЦП) балаларга операцияләр ясаучы белгеч. Ул өч көн дәвамында республика табиблары белән тәҗрибә уртаклашачак.
Казахстан табибы Татарстанда «арткы дорсаль ризотомия» диагнозы булган берничә пациентка операция дә ясар дип планлаштырыла, диелә хәбәрдә. 

«Татар-информ» материаллары буенча