Открыткада балачак әкиятләре

04 марта 2024 Admin

Язның беренче бәйрәме 8 март көннәрендә Казан китапханәләреннән гадәти булмаган открыткалар алырга мөмкин булачак. Аларны эшләүдә әкиятләр укырга яратучы яшүсмерләр катнашачак.

Мондый бүләкләрне бизәгәндә балаларга әниләре, әбиләре сөйләгән әкият геройларын, гаиләдәге гореф-гадәтләр, үсмер чактагы истәлекле вакыйгаларны куллану күздә тотыла. Бу чарада катнашыра һәм истәлеккә открытка алырга теләгән казанлылар, башкалабыз кунаклары «Сандугач», 26 нчы һәм 27 нче китапханәләргә килә ала. Үзләре белән күңелләренә хуш килгән әкиятләр, маҗаралы әсәрләр җыентыкларын да укырга алып тора алалар. Шул китаплар аша әкияти дөньяга, балачакка сәфәр кылыгыз әле.

Альберт САБИР