Логотип Магариф уку
Цитата:

Салават Фәтхетдинов төркеме балалар бакчасында

Салават Фәтхетдинов төркеме артистлары үзләре бизәде аларның бәйрәмен бүген.

Бу көнне яңгыраган җырлар, сөйләнгән сүзләр 183 нче балалар бакчасы сабыйларының хәтерендә озак сакланыр, мөгаен. Ник дигәндә гади генә кичә түгел, Салават Фәтхетдинов төркеме артистлары үзләре бизәде аларның бәйрәмен бүген. Габдулла Тукайның туган көненә багышланган бу үзенчәлекле чарада Альфред Якшимбетов, Ядегәр Хәбибуллин, Илфат Шәехов һәм Гөлназ Муллаәхмәтоваларның чыгышлары кемне генә битараф калдырыр икән.

Кичәдә олы артистлар белән беррәттән балалар үзләре дә катнашты. Алар татар теле тәрбиячесе Эльмира Сафина белән Г.Тукайның шигырьләрен сөйләделәр, җырларын җырладылар, әкиятләреннән тамаша күрсәттеләр. "Онытылмаслык бәйрәм өчен артистларга олы рәхмәтебезне җиткерәбез", – ди балалар бакчалары тәрбиячеләре.

Фотолар балалар бакчасы архивыннан

Язмага реакция белдерегез

0

0

0

0

0

Реакция язылган инде

Комментарийлар

«Безнең җыр»да – яңа әсәрләр

Г.Тукай исемендәге Татар дәүләт филармониясе сәхнәсендә II «Безнең җыр» иҗат лабораториясенең гала-концерты 28 май 18:30 сәгатьтә булачак.

II тапкыр оештырылган җыр проекты Казан Мэриясе һәм Татарстан Республикасы Рәисе каршындагы татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән уздырыла. 

Идеянең авторы – «Калеб» җыены җитәкчесе, хәзерге вакытта Казан Башкарма комитеты җитәкчесенең социаль мәсьәләләр буенча урынбасары Гүзәл Сәгыйтова, проектның кураторы – Тинчурин театры директорының урынбасары Лилия Гәрәева. 

«Калеб» яңа буын җыены узган елның 25  сентябрендә II «Безнең җыр» лабораториясенең икенче сезонын ачып җибәрде. Ноябрь һәм февраль айларында проектның тыңлап карау этаплары булып узды. Экспертлар яңа җырларны бәяләп, һәр командага үз киңәшләрен бирде. Бу сезонда экспертлар арасында – ТРның атказанган сәнгать эшлеклесе, ТРның Дәүләт камера хоры җитәкчесе һәм дирижеры Миләүшә Таминдарова; ТРның атказанган сәнгать эшлеклесе, шагыйрь Рәмис Аймәт; Башкорт дәүләт филармониясе солисты Зөлфия Авзалова.

Лаборатория шартлары буенча шагыйрь, композитор һәм җырчыдан торган 21 команда ярты ел дәвамында 21 яңа җыр иҗат итте. Проект кысаларында туган җырлар гала-концертта тамашачыга тәкъдим ителәчәк.

Белешмә өчен: 
«Безнең җыр» иҗат лабораториясенең беренче гала-концерты 2020 елның 1  октябрендә Г.Тукай исемендәге Татар дәүләт филармониясендә узды. Лаборатория кысаларында иҗат ителгән 20 җыр тамашачыга тәкъдим ителде. 

 

Фото Казан Мэриясе сайтыннан

Следите за самым важным и интересным в Telegram-каналеТатмедиа

Яңалыклар битенә керегез
БАШКА ЯЗМАЛАР

Ишетми калмагыз

Аудиоязмалар

  • Гильм Камай

  • Җәлилнең якын дусты

  • Ирек Нигъмәти - "Кояш сүнде ул йортта"

  • Ләйлә Минһаҗева - "Милләтебезгә тугры, буыннарга үрнәк шәхес"


ТӘКЪДИМ ИТӘБЕЗ