Санкт-Петербургта «Письма к дочери» фильмыньң премьерасы булачак

 Герой-шагыйрь Муса Җәлил һәм җәлилчеләрнең  ачы язмышы бөтен дөньяга билгеле. 1942 елның җәендә Волхов фронтында, чолганышта калгач, авыр яраланган Муса Җәлил әсирлеккә эләгә.Фошман лагереннан качып, партизаннарга кушылу турындагы план бер сатлык җан аркасында барып чыкмый.  Җәлил һәм аның ун көрәштәше үлемгә хөкем ителәләр.

1944 елның 25 августында Моабит төрмәсендә палач балтасы җәлилчеләрнең башларын чаба. Гайнан Кормаш, Фоат Сәйфелмөлеков, Абдулла Алиш, Фоат Булатов, Муса Җәлил, Гариф Шабаев, Әхмәт Симаев, Абдулла Баттал, Зиннәт Хәсәнов, Әхәт Атнашев, Сәлим Бохаров​ – үлем аша үлемсезлеккә илтүче 114 адымны җырлап үтеп, елмаеп үлгән татарлар.
Герой-шагыйрьнең урау юллар аша илгә кайткан шигырьләре «Моабит дәфтәрләре» буларак мәгълүм. Үлеменә күпмедер вакыт калгач, ул үзенең алты айлык баласын үстерүче элеккеге сөйгәненә берничә хат юллый. Хат әлеге кечкенә кызчыкка атап, ул үскәч әтисенең кем икәнен белер дә, беркайчан да аны гаепләмәс, дигән ышаныч белән язылган була.   Күп еллар үткәч, әлеге хатлар Люция ханым кулына килеп эләгә.

Фото: Сөмбел Таишева