«Тархан» конкурсы укучыларны туплый

Яшел Үзән, Казан, Нурлат һәм Мамадыштан алты финалист КФУның Халыкара мөнәсәбәтләр институтының «Төрки халыклар тарихы» профилендә төп трофей – бюджет урыннары өчен көрәшне дәвам итәргә туры киләчәк. Телепроектны  төшерү 23 апрельгә билгеләнгән.

Проект авторлары хәбәр иткәнчә, ярымфинал раунды нәтиҗәләре буенча конкурста катнашучыларның күбесе үз мәктәпләрендә билгеләп үтелде һәм бүләкләнде, ә катнашучыларның берсенә – көллият студентына хәтта бер тапкыр арттырылган стипендия тапшырылды.

Катнашучыларны әзерләгән укытучылар сүзләренчә, Казан университеты турында тарихи әдәбият булмавы аларны гаҗәпләндергән. Бигрәк тә совет чорыннан соңгы вакыты бу учреждение турындагы материалларга кытлык. Мөгаллимнәр фикеренчә, университет тарихы турында беренчел чыганаклар булмау хәзерлекне катлауландыра.

Шунысын да билгеләп үтәргә кирәк: ярымфиналның өченче турында катнашучыларның бер-берсенә биргән видео сорауларының берсе генә жюридан иң югары балл алды. Бу Апастан Азалия Заһидуллинаның Казан Ратушасы турындагы соравы иде.

Ярымфиналның төп темалары Казан университетының 220 еллыгы һәм дөньякүләм танылган шәхесләр, шул исәптән Көнчыгышны өйрәнүчеләр һәм төрки белгечләр плеядасы булды. Шулай ук ярымфиналда берничә факт ачылды һәм тулаем ил өчен мөһим булган вакыйгалар турында сөйләделәр.

Телепроектның алып баручысы, профессор Раил Фәхретдинов,  шулай ук проекта ТР мәдәният министры урынбасарлары Дамир Натфуллин һәм Ленар Хәкимҗанов, ТР Фәннәр академиясенең Татар энциклопедиясе һәм төбәкне өйрәнү институты директоры Искәндәр Гыйләҗев, КФУның мәгариф эшчәнлеге буенча проректоры Екатерина Турилова, Мәрҗани исемендәге Тарих институты директоры Радик Сәлихов, шулай ук КФУның Социаль-фәлсәфи фәннәр һәм массакүләм коммуникацияләр институты директоры Михаил Щелкунов эшли.

ТР Мәдәният министрлыгы вәкиле, проектны гамәлгә ашыру инициаторы, тарихчы Айрат Фәйзрахманов фикеренчә, Болгар шәһәренең тарихи урыннарында финалны уздыру табигый: «Болгар музей-тыюлыгы  ул  – тирән тамырлар, безнең тарих һәм мәдәният. Бәлки, бу традициягә әверелер һәм яңа сезонның «Тархан»ы республиканың башка тарихи локацияләрендә дә төшерелер. «Тархан» конкурсы талантлы һәм мавыктыргыч яшьләрне җәлеп итә торган магнит булыр дип ышанасы килә. Бу егетләр бөтен Евразия тарихын өйрәнү өчен клуб берләшмәсенә берләшә алачаклар һәм тарих фәннәре дөньясында безнең өметебез булачак.

Фото: ТР Мәдәният министрлы матбугат хезмәте