Татарстан районнарында «Ел укытучысы – 2024» конкурсының зона этабы уза

Республика районнарында һәм шәһәрләрендә 3 февральдән «Ел укытучысы–2024» Бөтенроссия һөнәри осталык конкурсының зона этабы уза.

Әлмәт районында – Азнакай, Әлмәт, Баулы, Бөгелмә, Лениногорск, Ютазы районнары вәкилләре, Спас районында – Нурлат, Чирмешән, Әлки, Спас, Аксубай һәм Яңа Чишмә районнары педагоглары, Лаеш шәһәрендә – Советлар Союзы Герое Б.К. Кузнецов исемендәге 2 нче Лаеш урта мәктәбе базасында, Чистай, Лаеш, Яшел Үзән, Алексеевск һәм Югары Ослан укытучылары катнашында узды, дип хәбәр итә ТР Мәгариф һәм фән министрлыгының матбугат үзәге.

Конкурс сынауларын ТР Мәгариф һәм фән министрлыгы, ТР Мәгарифне үстерү институты вәкилләреннән, узган елгы “Ел укытучысы” Бөтенроссия конкурсында җиңүчеләр һәм призёрларындан торган компетентлы жюри бәяләгән.