Татарстанда газ-мотор ягулыгы базары киңәя
Татарстанда газ-мотор ягулыгы популярлаша бара. Агымдагы елның беренче биш аенда Татарстанда газ-мотор ягулыгына 255 берәмлек техника үзгәртеп корылган. Әлеге сан узган елның шул ук чорына караганда дүрттән бер өлешкә күбрәк, дигән сүз.
Экологик һәм экономия ягыннан да газ-мотор ягулыгы җитештерүчеләр өчен зур үсеш чыганагы булып санала. Табигый газ икътисади яктан файдалы, экологик яктан куркынычсыз ягулык икәнен дә искәртә белгечләр.
Бүген Татмедиада булып узган брифинг вакытында Татарстан Республикасы сәнәгать һәм сәүдә министры урынбасары Марат Миңнебаев белдергәнчә, Татарстанда автомобильне бензиннан метанга үзгәртеп коруга субсидияләр каралган: җиңел автомобильләр өчен 24 мең сумнан алып магистраль тартма машиналары өчен 132 мең сумга кадәр. Шулай итеп, үзгәртеп коруның тулы бәясеннән 25 процентка кадәр экономияләргә мөмкин, ул җиңел автомобильләр өчен 120 мең сум тирәсе тәшкил итә.
– Табигый газ традиционына караганда ике тапкыр диярлек экономиялерәк автомобиль ягулыгы. Уртача тугыз ай эчендә машина хуҗасы үзгәртеп коруны тулысынча каплый алачак, – диде министр урынбасары.
Россия һәм Татарстан хакимиятләре газ-мотор ягулыгын иң экологик һәм нәтиҗәле ягулыкларның берсе буларак куллануны арттыруга зур игътибар бирә.
Шунысын да искәртергә кирәк: Татарстан газ-мотор ягулыгы базарын үстерү буенча Россиядә иң яхшы төбәк һәм республика бу юнәлеш буенча лидерлыкны саклап кала килә.
Автор фотосы
Язмага реакция белдерегез
Вход на сайт
Яшьләр көне гаилә темасына багышланачак
Быел Татарстанда Яшьләр көне 29 июньдә бәйрәм ителә. Казанда Яшьләр көнен үткәрүнең төп мәйданчыгы «УРАМ» экстрим-паркы.
– Һәр ел июньнең соңгы шимбәсендә без Бөтенроссия Яшьләр көнен билгеләп үтәбез. Республиканың барлык районнарында һәм шәһәрләрендә яшьләр өчен төрле кызыклы һәм файдалы активлыклар узачак. Быел фестивальнең төп темасы Россиядә Гаилә елына багышланган. Максат – төрле буыннарны берләштерү. Фестиваль чын гаилә бәйрәме булачак. Биредә яшьләр дә, өлкәннәр дә күңелләренә хуш килгән дәресләр таба алачак, – дип билгеләп үтте ТР яшьләр эшләре министры Ринат Садыйков.
Исегезгә төшерәбез: Яшьләр көне беренче тапкыр 1958 елда билгеләп үтелгән була.
Казанда узачак бәйрәм сигез теманы колачлаган мәйданчыкларны берләштерәчәк: «Иҗат белән бергә»: иҗади яшьләр чыгышы, мастер-класслар, фикер лидерларыннан ачык микрофоннар;
«Белем белән бергә»: белем бирү лекцияләре һәм мастер-класслар;
«Яңа белән бергә»: блогерлык буенча мастер-класслар, контент булдыру һәм социаль челтәрләр белән эшләү өчен зоналар;
«Үз эшең белән бергә»: яшь эшмәкәрләр маркеты, акселератор Росмолодежь.Грантлар;
«Ватан белән бергә»: партнерлык чаралары һәм акцияләре;
«Карьера белән бергә»: карьера консультацияләре, вакансияләр ярминкәсе, әңгәмәләр, профессиональ карьера конкурслары һәм проектлары презентациясе;
«Актив яшәү рәвеше белән бергә»: контестлар, мастер-класслар, күрсәткеч чыгышлар, турнирлар һәм чемпионатлар;
«Яхшылык белән бергә»: волонтерлык акцияләре, ирекле проектлар һәм оешмалар зоналары.
Ә спорт программасы кысаларында фестивальдә самокат, воркаут, стритбол, роликлар, паркур, волейбол, теннис һәм джиу-джитсу буенча контестлар (ярышлар) планлаштырылган. Шулай ук «УРАМ» экстрим-паркы мәйданчыгында BMX буенча Россия чемпионаты һәм 3х3 баскетбол буенча Татарстан Республикасы чемпионаты узачак.
Яшьләр фестивале концерт программасы һәм музыкаль хедлайнер чыгышы белән тәмамланачак.
Фото: ТР Яшьләр эшләре министрлыгы сайтыннан
Следите за самым важным и интересным в Telegram-каналеТатмедиа
Яңалыклар битенә керегез
ТӘКЪДИМ ИТӘБЕЗ
Комментарийлар