Түбән Кама педагогы — Бөтенроссия һөнәри осталык конкурсы лауреаты

10 октября 2024 Мәгариф

ОВЗ белән авыручы балалар өчен интернат-мәктәптә укытучы Саттарова Лилия Владимировна «Россиянең дефектолог-укытучысы — 2024» VII Бөтенроссия һөнәри осталык конкурсында катнашты. Бу хакта ТР Мәгариф һәм фән министрлыгы телеграм-каналында хәбәр ителә.

Бәйге Россия Федерациясе Мәгариф министрлыгы тарафыннан гамәлгә куелган һәм төбәкара дефектологлар берлеге ярдәмендә үткәрелә.
Конкурсның йомгаклау этабы Мәскәүдә узды.

Лилия Владимировна, конкурс сынауларын үтеп, сәламәтлекләре чикләнгән балалар белән эшләү тәҗрибәсен югары дәрәҗәдә күрсәтеп, «Россиянең дефектолог-укытучысы - 2024» конкурсы лауреаты исеменә лаек булды.