Мөгаллимнең туган көненә оныгы туган

Бүген «Мәгариф» һәм «Гаилә һәм мәктәп» журналлары редакциясенең якын дусты – КФУның география һәм экология белеме бирү теориясе һәм методикасы кафедрасы мөдире, педагогия фәннәре докторы, профессор, Татарстанның атказанган укытучысы, мөгаллимнәр арасында уза торган «Яшел бишек» бәйгесенең жюри рәисе Илгизәр Тимергали улы Гайсинның туган көне. Ә кичә генә әлеге бәйрәм алдыннан, ямь өстенә ямь булып, олы уллары Марат һәм киленнәре Лена гаиләсендә кыз бала аваз салган. Шулай итеп, Илгизәр әфәнде бишенче мәртәбә дәү әти булган.
Шул уңайдан хезмәттәшебезне котлыйбыз! Ходай саулык-сәламәтлектән аермасын, һөнәри уңышлар, иминлек, балалар-оныклар игелеге юлдаш булсын.