Татар теленнән “Сүз төзелеше. Сүз ясалышы” темасы буенча тест биремнәре

(3 нче сыйныфта татар теленнән йомгаклау дәресе)
Альбина МӨХӘММӘТГАЛИЕВА,
Арча районы Югары Аты башлангыч мәктәбенең беренче квалификация категорияле  укытучысы

1. Тамыр сүзләрдән генә торган сүзләр рәтен билгелә:

а) савыт, каен;

б) балык, эшче;

в) башлык, башла;

г) тоз, тозлы.

2. Ясалма сүзләрдән генә торган сүзләр рәтен билгелә:

а) тавыклар, каеннар;

б) балыкчы, эшче;

в) сазлык, агач;

г) тупны, китапка.

3. Төрләндергеч кушымчалар ялганган сүзләр рәтенбилгелә:

а) җәйге, каеннар;

б) балыкчы, балыкны;

в) сулы, сусыз;

г) дәфтәрнең, тактада.

4. Кушма сүзләр рәтен билгелә:

а) балык, каенлык;

б) ташкүмер, төнбоек;

в) көньяк, карга;

г) табигать, унике.

5. Парлы сүзләр рәтен билгелә:

а) савыт-саба, каенлык;

б) ата-ана, әйләнә-тирә;

в) явым-төшем, кар;

г) иртә-кич, хат.