Логотип Магариф уку
Цитата:

Буада – «Минем кече Ватаным» конференциясе

Федераль белем бирү стандартлары укучыларның сыйныфтан тыш эшчәнлеген үстерүгә зур әһәмият бирә. Мәктәпкәчә белем бирү уку йортларыннан алып ук балалар фәнни-тикшеренү эшләренә тартылырга, һәр белем б...

Федераль белем бирү стандартлары укучыларның сыйныфтан тыш эшчәнлеген үстерүгә зур әһәмият бирә. Мәктәпкәчә белем бирү уку йортларыннан алып ук балалар фәнни-тикшеренү эшләренә тартылырга, һәр белем баскычында бу эшчәнлек тирәнәя барырга, яңа биеклеккә күтәрелергә тиеш. Балаларның эш нәтиҗәләренә дәресләрдә, сыйныфтан тыш чараларда бәя бирелә. Безнең М.Вахитов исемендәге гимназия укучылары да үз проект эшләре белән районыбызда, республикабызда үткәрелгән төрле фәнни бәйгеләрдә бик теләп катнаша.
Сәләтле балаларны барлау, укучыларның фәнни-тикшеренү эшчәнлеген тагын да үстерү максатында 2015 елдан башлап гимназиябездә ике елга бер тапкыр «Минем кече Ватаным» дип аталган  фәнни-гамәли конференция үткәрү күркәм традициягә керде.

Шушы көннәрдә бу бәйгенең быелгысы үтте. Нигезләмә буенча эшләр алты юнәлеш буенча кабул ителде. Балалар бакчасы белән мәктәп, башлангыч сыйныфлар белән төп мәктәп арасында фәнни-тикшеренү эшчәнлектә дәвамлылыкны тирәнәйтү максатында, мәктәпкәчә яшьтәге балалар һәм башлангыч сыйныфлар өчен дә аерым юнәлешләр оештырылды.  Конференциянең читтән торып үткәрелгәнэтабына Россиянең 17 субъекты һәм Татарстан мәктәпләреннән 188 эш килде. Мәртәбәле жюри шуларның 111ен төп этапка уздырды.
Гимназиябез бу чарага бик ныклап әзерләнде. Конференциянең тиешле дәрәҗәдә узуы өчен бар шартларны да тудырырга тырыштык. Килгән кунаклар гимназия укучылары, балалар бакчаларында тәрбияләнүчеләрнең туган ягыбызга багышланган эшләреннән оештырылган  күргәзмә белән таныштылар,  музыкаль тамаша  карадылар.

Конференциянең иң әһәмиятле өлеше, алты  юнәлеш буенча бүленеп, фәнни-тикшеренү эшләрен тәкъдим итү иде. Балалар үзләренең тирән эчтәлекле проектларын татар һәм рус телләрендә яклады.
Бу вакытта аларның җитәкчеләре Буа шәһәренең истәлекле һәм тарихи урыннары белән таныштылар һәм шәһәрнең туган якны өйрәнү музеенда булып кайттылар.
Конференциянең йомгаклау өлешендә бүләкләнүчеләр арасында, Татарстаннан гына түгел, Ульяновск, Оренбург, Әстерхан, Төмән өлкәләре, Дагыстан, Удмуртия, Чувашстан, Мари республикалары мәктәпләре укучылары һәм балалар бакчаларында тәрбияләнүчеләр дә бар иде.
Гимназиябезнең дәрәҗәле кунаклары – КФУ галимнәре Илгизәр Тимергали улы Гайсин, Илгизәр Ильяс улы Рәхимов, республикабызның олимпиада үзәге методисты Ольга Владимировна Аввакумова, Ульяновск өлкәсенең татар милли-мәдәни автономиясе иҗтимагый оешмасы рәисе Рәмис Фарук улы Сафин гимназиябездә оештырылган III төбәкара фәнни-гамәли конференциянең югары дәрәҗәдә үткәрелүен билгеләп үттеләр.

Линар ЗИННӘТУЛЛИН, Буадагы М.Вахитов исемендәге гимназия директоры, Татарстанның атказанган укытучысы

Язмага реакция белдерегез

0

0

0

0

0

Реакция язылган инде

Комментарийлар

БАШКА ЯЗМАЛАР

Ишетми калмагыз

Аудиоязмалар

  • Гильм Камай

  • Җәлилнең якын дусты

  • Ирек Нигъмәти - "Кояш сүнде ул йортта"

  • Ләйлә Минһаҗева - "Милләтебезгә тугры, буыннарга үрнәк шәхес"


ТӘКЪДИМ ИТӘБЕЗ