Логотип Магариф уку
Цитата:

Кабан күле яр буенда казанлыларны бушлай чечетка биергә өйрәтәчәкләр

Татар телендәге мастер-класс «Хәрәкәттә – бәрәкәт» проекты кысаларында узачак. 23 июнь көнне Кабан күле яр буенда Казан халкын чечетка биергә бушлай өйрәтәчәкләр. «Хәрәкәттә – бәрәкәт» проекты кы...

Татар телендәге мастер-класс «Хәрәкәттә – бәрәкәт» проекты кысаларында узачак.








 23 июнь көнне Кабан күле яр буенда Казан халкын чечетка биергә бушлай өйрәтәчәкләр. «Хәрәкәттә – бәрәкәт» проекты кысаларында ритмик бию нигезләре буенча татар телендә дәрес узачак, дип хәбәр итә Казан мэриясенең матбугат үзәге.




Чечетканы икенче төрле «аяк музыкасы» дип атыйлар. Бу бию үзенең энергияле динамикасы белән аерылып тора, аның төп үзенчәлеге – каты өслектә аякларны ритмик хәрәкәтләндерү. Гадәттә, бу биюне металл пластиналар белән тегелгән махсус аяк киемендә башкаралар.
Бию мастер-классына теләге булган һәркем килә ала – яшь һәм физик әзерлек дәрәҗәсе буенча чикләүләр юк. Чечеткага Г.Камал исемендәге Татар дәүләт академия театры артистлары – Татарстанның халык артисты Илдус Габдрахманов, актерлар Артур Шәйдуллин һәм Ләйсән Гатауллина өйрәтәчәк.
Дәрес 19:00 сәгатьтә башлана. Очрашу урыны – Кабан күле яр буе, Мәрҗани урамы ягыннан (Камал театры парковкасы астында), дип хәбәр иттеләр Казан Башкарма комитетының Телләр культурасы өлкәсендә милли сәясәтне гамәлгә ашыру бүлегендә.
Исегезгә төшерәбез, «Хәрәкәттә – бәрәкәт» проекты шәһәр паркларында һәм скверларында үткәрелә торган спорт һәм иҗат дәресләрен берләштерә. Бушлай мастер-класслар июнь аеннан сентябрьгә кадәр Казанның парклар һәм скверлар дирекциясе белән берлектә оештырыла. Беренче бию мастер-классы 2 нче июньдә узды. Дәрескә 500 кеше килгән иде, алар «Ярмәк вагы» татар биюен өйрәнделәр.
Узган елның җәйге сезонында барлыгы 14 дәрес үткәрелде. Шәһәрнең алты җәмәгать киңлегендә – Кабан күле яр буенда, «Ак чәчәкләр» бульварында, Горький исемендәге, Урицкий исемендәге, «Черек күл» паркларында һәм Фучик урамындагы бульварда казанлылар йога, сулыш алу практикалары белән шөгыльләнделәр, импровизация биюләре һәм башка юнәлешләр буенча мастер-классларда булдылар.


Язмага реакция белдерегез

0

0

0

0

0

Реакция язылган инде

Комментарийлар

БАШКА ЯЗМАЛАР

Ишетми калмагыз

Аудиоязмалар

  • Гильм Камай

  • Җәлилнең якын дусты

  • Ирек Нигъмәти - "Кояш сүнде ул йортта"

  • Ләйлә Минһаҗева - "Милләтебезгә тугры, буыннарга үрнәк шәхес"


ТӘКЪДИМ ИТӘБЕЗ