Ольга Васильева  президент итеп расланды

Россиянең элеккеге  мәгариф министры Ольга  Васильева эшчәнлеген яңа вазифада дәвам иттерәчәк.

Премьер-министр  Михаил Мишустин имзасы белән ул Россия мәгариф академиясенең президенты буларак расланды. Ул бу дәрәҗәле урынга  30 июньдә сайланган иде. Мәгълүм булганча, Ольга Васильева министр кәнәфиендә 4 ел утырды, бу чорда мәгариф өлкәсендә шактый үзгәрешләр булды. Мәктәпләрдә туган телләр һәм фәннәрне милли телдә укыту-укытмау белән бәйле четерекле мәсьәләләрнең калкып чыгуы да шул чорга туры килә. 

2020 елда министрлыктан эштән киткәч, экс-министр О. Васильева Россия мәгариф академиясенең  попечительләр  советы рәисе булып торды.

                                                                 Альберт  ЗАҺИРОВ
Фото: smena.org

 

Добавить комментарий

Ваш адрес email не будет опубликован.