«Гаилә һәм мәктәп» журналы Уфада узучы «Татар кызы — 2017» бәйгесендә катнаша

Хәзерге минутларда Уфаның "Башкортстан" дәүләт концертлар залында "Татар кызы" халыкара бәйгесенең финалы уза. Чарада, мәгълүмати партнер буларак, "Гаилә һәм мәктәп" журналы да катнаша.

Татар кызлары туган тел, халкыбыз тарихын, гореф-гадәтләрен белүдә көч сынашачак. Чыннан да, илебезнең унике төбәгеннән килгән унике кызның hәрберсе  "Татар кызы-2017" исемен горур рәвештэ йөртергә хаклы. "Тиз генә барысына да таҗ ясап булмыймы соң?" - дип шаяртты Бөтендөнья татар конгрессының "Милли Шура" советы рәисе, ТР Премьер-министры урынбасары Васил Шәйхразиев матбугат конференциясе вакытында.

Билгеле булганча,  бәйгенең финал этабы узган ел җиңү яулаган кызның туган ягында уза. "Татар кызы-2016" титулына лаек булган Эдельвейс Ихсанова шулай ук тормышында сонгы елда булган узгәрешләр белән  уртаклашты. "Татар кызы” титулын алуым белән горурланам", - диде ул.

Бәйгенең төп максаты - халкыбызнын мәдәниятен, милли гореф-гадәтләрен саклау һәм үстерү, яшьләрнең игьтибарын тарихи-мәдәни мираска җәлеп итү. "Татар кызы" 2011 елдан оештырыла.  Узган елдан федераль статуска ия булды. Быел Казахстаннан катнашучылар да булганга курә, халыкарага әйләнгән.

Бәйге барышын безнең социаль челтәрләрдәге төркемнәр аша күзәтеп барыгыз.