Иң яхшы татар теле укытучысы билгеле булды

Бу минутларда Универсиада авылында «Ел укытучысы» Бөтенроссия конкурсының  регион этабына  йомгак ясыйлар.  Чарада Татарстан Мәгариф һәм фән министры Рафис Борһанов катнаша. Республиканың иң яхшы татар теле укытучысы билгеле булды. 

Һөнәри бәйгенең элеге номинациясендә Татарстанның төрле мәктәпләрендә белем бирүче мөгаллимнәр катнашты. Бәйгенең йомгаклау этабында өч лидер укытучы билгеле булды. Өченче урынга берьюлы ике укытучы лаек булды — Ләйлә Исенбаева һәм Дилбәр Гарифуллина. Икенче урында — Халидә Кирамова һәм Чулпан Галиәхмәтова. Иң яхшы  татар теле укытучылары дип Казанда эшләүче Ильмира Әбсәләмова һәм Уфадан Венера Садыйкова табылдылар.