Константин Хабенский Казандагы иҗат резиденциясенә чакыра

РФның халык артисты Константин Хабенский «АРТХАБ» иҗат резиденциясенең рәсми ачылышына Казанга килде.

«АРТХАБ» яшьләргә театр, кино һәм оригиналь жанр өлкәсендәге иҗади идеяләрен чынга ашырырга ярдәм итә торган проект булыр дип көтелә. Әлеге өлкәләргә караган, кызыклы иҗади проекты булган һәр кеше һәм һәр коллектив АРТХАБның резиденты була ала. Резидентларга нәтиҗәле эш өчен барлык инфраструктур базадан (репетиция залы, зур һәм кече сәхнәләр, киңәшмәләр һәм эш урыны)  файдалану мөмкинлеге биреләчәк һәм алар ментор ярдәме, үз проектларын үстерү өчен индивидуаль уку программасы алачак.