Абдулла Алиш исемендәге 20 нче гимназиядә патриот язучыны искә алдылар

14 нче сентябрьдә Казанның Абдулла Алиш исемендәге 20 нче гимназиясендә патриот язучының 110 еллык юбилее уңаеннан "Алиш эзләреннән" исемле квест-уен узды.

Чара тантаналы төстә актлар залында башланды. А.Алишның "Сертотмас үрдәк" әкиятен укучылар бик оста сәхнәләштерделәр. Балаларга язучының иҗаты, биографиясе, әкиятләре буенча 5 маршрут узарга кирәк иде. Балалар бик тырыштылар, чөнки аларның белемнәрен мәртәбәле жюри шагыйрьләр: Ләбиб Лерон, Й. Шәрәпова, Алишның туганнары: Г.Сөнкишева, Ф.Алишева,  гимназия директоры Р.Арсланова бәяләде.

Бу чара гимназиягә чын бәйрәм рухы кертте.