Әгерҗедә 701 млн сумга мәктәп төзеячәкләр

10 февраль 2026 Мәгариф

Әгерҗедә 500 урынлык яңа мәктәп төзүгә 701 млн сум акча юнәлдереләчәк. Проектның гамәлгә ашырылуы 1936 елда төзелгән 1 нче гимназия бинасының авария хәлендә булуы белән бәйле. Тендер турындагы белешмәләр Дәүләт сатып алулары сайтында бастырылган. Бу хакта «Татар-информ» хәбәр итә.

Мәктәп янында шулай ук мәгариф, спорт һәм мәдәни-ял итү инфраструктурасы булган күпфункцияле үзәк төзү планлаштырыла. Мәктәп һәм үзәк төзелешенең гомуми бәясе 1,3 млрд сум тәшкил итәчәк.