Әтнәдә мәктәп директорлары алышынды

Уку елының иң озын өченче чиреген башлап, әле барлы-юклы ике атна укылмады, Әтнә районы мәктәпләре җитәкчелегендә кадрлар алмашы. Төгәлрәк әйткәндә, район үзәгендәге Олы Әтнә урта мәктәбенә директор итеп Гөлнара Халикова билгеләнде. Моңа кадәр ул Күшәр төп мәктәбе директоры иде. Ә Күшәр төп мәктәбе директоры вазифасын хәзер Фәнис Хәкимҗанов башкара. Ул әлегә кадәр Күәм урта мәктәбендә тарих һәм җәмгыять белеменнән укытты.