Балигъ булмаган балага ураза тоту мәҗбүриме

Мин намаз укымыйм, әмма ураза тотасым килә. Андый ураза кабул кылынырмы икән? Балигълык яшенә җитмәгән балага ураза тотарга кирәкме? Сорауларга җавап – түбәндә.

“Ислам дине 5 баганага нигезләнгән. Намаз һәм ураза  – алар икесе ике гыйбадәт. Шуңа күрә Сез намаз укымасагыз да, уразагыз, иншаАллаһ, кабул булачак.

Балигълык яшенә җитмәгән балага ураза тоту мәҗбүри түгел.

Әмма һәр гыйбадәткә кече яшьтән ияләштерү  – күркәм гамәл. Бу очракта баланың физик мөмкинлекләрен истә тотарга кирәк. Яшь организмга зыян салынырга тиеш түгел”,  – дип яза "Кызыл таң" “Дин турында”га сылтама белән.