«Бөек Җиңү Геройлары» X бөтенроссия әдәби конкурсына гаризалар кабул ителә

08 февраля 2024 Admin

«Бөек Җиңү Геройлары» X бөтенроссия әдәби конкурсына гаризала кабул ителү кампаниясе башланды. Конкурска теләгән һәркем эпик, тарихи яки хәрби-патриотик темага иҗади эш җибәрә ала.

Иҗади бәйге яшь буында сугышчы-геройларның батырлыкларына карата патриотизм һәм горурлык хисләре тәрбияләү, Россиянең хәрби-тарихи мирасын саклап калу максатыннан оештырыла.

Катнашучылар «Проза» (әдәби хикәя), «Поэзия» (шигырь), «Публицистика» (эссе, очерк, новелла), «Каләм сынау», «Рәсем», «Җыр» кебек номинацияләрдә үз көчләрен сынап карый ала. Иҗади эшләр 1 майга кадәр кабул ителә.

Конкурс нәтиҗәләре буенча «Бөек Җиңү Геройлары» катнашучыларына сертификатлар биреләчәк. Җиңүчеләрне дипломнар белән бүләкләячәкләр. Конкурсның нигезләмәсе белән шушы сылтама аша танышырга мөмкин.

Таңсылу Габидуллина