Дәресләре белән интернетта танылган физика укытучысын кыйнаганнар

30 октября 2018 Мәгариф

Украинада 64 яшьлек укытучыны кынаганнар. Әлеге яңалык Интернетта танылган мөгаллимнең меңнәрчә укучысын борчуга салды. Одесса мәктәбе укытучысы Павел Викторга өч кеше һөҗүм иткән, дип хәбәр итә Украи...

Украинада 64 яшьлек укытучыны кынаганнар. Әлеге яңалык Интернетта танылган мөгаллимнең меңнәрчә укучысын борчуга салды.

Одесса мәктәбе укытучысы Павел Викторга өч кеше һөҗүм иткән, дип хәбәр итә Украина массакүләм мәгълүмат чаралары. Укытучыны ул велосипедта мәктәптән өйенә юл тотканда тукмыйлар. Һөҗүм итүчеләр Павел Викторның кесәләрен дә бушатып өлгерә, велосипедын урлый. Хәзерге вакытта укытучы хастаханәдә дәвалана.

Физика укытучысына 64 яшь һәм ул Одесса мәктәбендә эшли. Павел Викторны интернет-кулланучылар яхшы белә. Украинаның атказан укытучысы дәресләрен YouTube челтәрендә урнаштырып бара. Бүгенге көндә әлеге дәресләрне 8 миллионга якын кеше караган. Павел Викторның YouTube-каналына 150 мең кеше язылган. Видеодәресләрдә укытучы физика законнарын аңлата һәм мәсәләләр чишәргә өйрәтә.