Илсур Һадиуллинның Халыкара туган тел көне белән котлавы
Кадерле дуслар!
Ихлас күңелдән Халыкара туган тел көне белән котлыйм! Бу көн безгә тел төрлелеген саклау һәм үстерүнең мөһимлеген искәртә. Тел – аралашу чарасы гына түгел, халкыбызның мәдәнияте, гореф-гадәтләре һәм тарихының ачкычы да ул. Туган тел – милли үзенчәлегебезнең нигезе һәм фән үсешенең мөһим коралы булып тора.
Бүгенге көндә күпмилләтле республикабызда 170 тән артык милләт вәкилләре яши. Аларның мәдәни тәңгәллеген саклау һәм күптелле мохиттә гармониягә ирешү тынычлык һәм иҗтимагый татулыкның нигезе булып тора. Туган телдәге мирасыбызны барлап, әхлакый кыйммәтләрне киләчәк буыннарга тапшыру уртак тырышлыгыбызга бәйле. Халык авыз иҗатына һәм мәшһүр классикларыбыз әсәрләренә нигезләнеп, безгә тел белемен һәм сөйләм культурасы дәрәҗәсен күтәрү өстендә эшләргә, китапка мәхәббәт тәрбияләргә һәм туган телләрне куллану даирәсен киңәйтергә кирәк.
Хәзерге вакытта республика мәктәпләрендә 8, якшәмбе мәктәпләре кысаларында 25 туган тел өйрәнелә. Укучылар һәм мөгаллимнәр өчен туган телләрне саклау буенча күп чаралар оештырыла. Алга таба да бу юнәлештә эш дәвам итәчәк. Халыкларның бөек казанышы булган туган телләрне саклап калу һәм киләчәк буыннарга тапшыру өчен без бар көчне куеп эшләргә тиешбез.
Туган тел һәрвакыт горур яңгырасын, ә туган тел аша ала торган белемнәр яңа җиңүләргә илһамландырсын. Иҗади уңышлар, кызыклы ачышлар һәм тел мирасына хөрмәт телим!
Фото: ТР Мәгариф һәм фән министрлыгы сайты
Язмага реакция белдерегез
Вход на сайт
Әтиләрнең җитезлеген сынадык
Кадерле әтиләрне, бабайларны, абыйларны бәйрәм белән котлау максатыннан, Казан шәһәре Авиатөзелеш районы 78 нче балалар бакчасына кунакка чакырдык. Бәйрәм чарасы ярышлы уеннар, җырлар белән үрелеп барды.
Билгеле булганча, 23 февраль – Ватанны саклаучылар көне буларак бәйрәм ителә. Ир-егетләр туган илебезнең терәге, намуслы, кыю затлары.
Кадерле әтиләрне, бабайларны, абыйларны бәйрәм белән котлау максатыннан, Казан шәһәре Авиатөзелеш районы 78 нче балалар бакчасына кунакка чакырдык. Бәйрәм чарасы ярышлы уеннар, җырлар белән үрелеп барды. Әтиләребез үзләренең җитезлекләрен, тырышлыкларын, тапкырлыкларын күрсәттеләр. Ә балалар исә, үз әтиләре өчен җан атып, аларга көч биреп тордылар. Соңыннан күңел җылысын биреп эшләгән бүләкләрен, открыткаларны тапшырдылар. Бәйрәм көчле, күтәренке рухта үтте. Нәниләр үз әтиләре өчен горурлану хисләре кичерделәр. Чөнки әти – гаиләне яклаучы, җил-яңгырдан саклаучы, намуслы көчле зат. Җир йөзендә һәрбер бала әти дип әйтсен, әти канаты астында үссен иде. Һәр бала әтинең җылы, ягымлы карашын тоеп, таләпчән ныклы сүзен ишетеп, дус,тату гаиләнең терәге әти икәнен сизеп яшәсен иде.
Киләчәк буынга Ватанны саклаучылар көне – батырлык, намус hәм кыюлык көне икәнен кечкенәдән сеңдерсәк иде. Бүгенге бәйрәм көчле рухлы ир-егетлəрнең кыюлык, намус һəм абруй шикелле сыйфатларга ия булуларын тагын бер кат раслады.
Туган илгә һəм үз халкыңа хезмəт итү, туган илне чын күңелдән сөю – һәр кешенең югары максаты булса иде.
Ризәлә Гарипова,
Казандагы 78 нче балалар бакчасының татар теле тәрбиячесе
Следите за самым важным и интересным в Telegram-каналеТатмедиа
Яңалыклар битенә керегез
ТӘКЪДИМ ИТӘБЕЗ
Комментарийлар