Kazan Digital Week та 2023/2024 уку елында «Саннар дәресе» проектының иң яхшы төбәкләрен бүләкләделәр

11 сентября 2024 Мәгариф

10 сентябрь Kazan Digital Week 2024 Халыкара форумы кысаларында Россия Федерациясе субъектларын 2023/2024 уку елында «Саннар дәресе» белем бирү проектын гамәлгә ашыру йомгаклары буенча бүләкләү тантанасы узды.

Чарада 21 төбәк «Саннар дәресе» һәм «Цифрлы ликбез» проектларын гамәлгә ашыруга зур өлеш керткәне өчен билгеләп үтелде. Бүләкләнүче төбәкләр – Татарстан Республикасы, Санкт-Петербург, Оренбург, Белгород, Свердловск, Калининград, Чиләбе, Липецк, Тверь, Ростов, Иркутск, Мурманск, Тула өлкәләре, Чечен Республикасы, Карелия Республикасы, Ямал-Ненец автономияле округы, Красноярск , Алтай , Приморье крайлары, Ханты-Манси автономияле округы һәм Чувашия Республикасы.

Чыганак: Татарстан Республикасы Мәгариф һәм фән министрлыгы сайты