Казан укучылары Бөтенроссия олимпиадасында призлы урынны яулаган

Олимпиаданың йомгаклау этабында илнең 83 төбәгеннән 289 кеше катнашкан. ТР башкаласының мәгариф идарәсе хәбәр итә.

Олимпиада  гамәли һәм теоретик өлештән торган. Катнашучылар  ботаника, умырткасызлар һәм умырткалылар зоологиясе, кеше анатомиясе һәм физиологиясе, экология, биохимия, биоинформатика һәм молекуляр биология буенча белемнәрен сынаганнар. «Сириус» федераль территориясендә ясалган нәтиҗәләр буенча, 2 нче лицей-интернат укучысы Альберт Семенов һәм КФУның IT-лицее укучысы Азалия Гуссамова призер булып калган.

Таңсылу Габидуллина