Мәгариф һәм фән министры Илсур Һадиуллинның балаларны яклау көне белән котлавы

Һәр елның җәй башында бөтен Җир шары иң матур һәм иң якты бәйрәмнәрнең берсе булган Халыкара балаларны яклау көнен билгеләп үтә. 1 июнь көне кечкенәләрнең зурлар ярдәменә һәрдаим мохтаҗ булуларын искәртеп торган көн. Балаларның киләчәген бәхетле итү – ул безнең бурыч.

Сезгә һәм әти-әниләрегезгә бәхет һәм сәламәтлек телим, һәрчак аларның игътибарын, мәхәббәтен  һәм күңел җылылыгын тоеп яшәгез. Йөзегездән елмаю китмәсен, күңелегездә якты хисләр генә ташып торсын. Әти-әниләрегез сезнең белән һәрвакыт горурлансыннар иде.

Халыкара балаларны яклау көне сөенечле мизгелләр – көтеп алган каникуллар башлану чоры белән туры килә. Җәй айларын истә калырлык һәм кызыклы  итү максатыннан сезнең өчен 1600 дән артык төрле программаларга һәм профиль сменаларга корылган  җәйге сәламәтләндерү лагерьлары эшләячәк.

Кадерле балалар, сәламәт, акыллы, белемле һәм игелекле булып үсегез! Сез – безнең киләчәгебез, безнең өметебез!

Бәйрәм белән!

Министр                                                                                               И. Г. Һадиуллин