MOÑ театр мәйданчыгында милли бию киче узачак

02 октября 2024 Мәгариф

4 октябрь 19:00 сәгатьтә MOÑ театр мәйданчыгында «Милли бию киче «Сосна чабатасы» фильмы» чарасы булачак. Программасында фильмны карау, бию перформансы һәм тамашачыларга мастер-класс уздыру каралган. Бу хакта MOÑ театр мәйданчыгы матбугат хезмәте хәбәр итә.

Кич Татарстанга таныш чабата биюенә багышлана. Аның үзенчәлеге — ритмында: дүрттән ике түгел, ә дүрттән өч!

Гореф-гадәтләр шушылай сакланып, буыннарга тараламы? Бәлкем, шулай. Без исә милли бию үсешенең өч этабын күрсәтәбез. Менә фильмда аны авылда һәм сәхнәдә бииләр. Ә менә каршыгызда, театр мәйданчыгында — тарихын яктырту омтылышы белән, аның эксперименталь гәүдәләнеше. Электән-элек чабатаны ир-атлар гына биегән. Безнең каһарманнар барысы да — хатын-кызлар», Рәдиф Кашапов.