Нәрсә соң ул тәкъвалык?

Берәү Әбү Һөрайра радыяллаһу ганһедән тәкъвалыкның асылы турында сораган. Әбү Һөрайра радыяллаһу ганһе аңа:

– Урамда бик күп чәнечкеле үсемлекләр бар. Син шул чәнечкеләр өстенә басып барачаксыңмы, әллә аларны әйләнеп узачаксыңмы? – дигән.
Әңгәмәдәше:
– Әйләнеп узачакмын, – дип җавап биргән.

Әбү Һөрайра:
– Менә шул әйләнеп узу тәкъвалык була да инде, гөнаһларны да шулай әйләнеп узарга кирәк, – дип әйткән.

Һәркемгә дә имин, бәрәкәтле көннәр теләп калам!” – дип яза Тимергали хәзрәт Юлдашев.