Ранис Закиров – иң яхшы физкультура укытучысы

Россия футбол союзы педагоглар өчен "Магнит футбола" һөнәри конкурсына йомгак ясады. Татарстан Республикасын конкурста 10 гомуми белем бирү оешмасы педагогы тәкъдим итте. Бу хакта ТР Мәгариф һәм фән министрлыгының матбугат хезмәте хәбәр итә.

Татарстан Республикасыннан 149 нчы лицейның татар телендә белем бирүче физкультура укытучысы Ранис  Закиров җиңүче булды, ул Россия Федерациясе субъектларының 50 иң яхшы педагогы исемлегенә керде. Ул акчалата приз һәм 1 июньдә Мәскәүгә танылган футболчылар һәм тренерлар катнашында бүләкләү тантанасына чакыру алды.