Россия укучыларын явыз ниятле кешеләрдән сакланырга өйрәтәчәкләр

14 февраля 2024 Admin

Россия укучыларын явыз ниятле кешеләрнең фейкларын һәм хәйләләрен танырга өйрәтәчәкләр. Бу хакта Дәүләт Думасының мәгълүмат сәясәте, мәгълүмати технологияләр һәм элемтә комитеты әгъзасы Антон Немкин сөйләгән.

Депутат билгеләп үткәнчә, яшьләрне Интернет челтәрендә төрле зарарлардан саклау – дәүләт һәм ата-аналар алдында куелган бурычларның берсе. Дөньяга ачык карашлы, эчкерсез балалар җинаятьчеләрнең җиңел табышына бик тиз әверелә алалар. Шуңа күрә балаларны явыз ниятле кешеләрне ачыкларга һәм аларның хәйләләреннән качарга, фейкларны, зарарлы ботларны танырга өйрәтергә кирәк.

Укучыларга һәм укытучыларга йөкләнеш булмасын өчен, файдалы мәгълүмат информатика дәресләре кысаларында узачак.

Таңсылу Габидуллина