Рөстәм Миңнеханов: «Үзебездән башка телебез беркемгә кирәк түгел»

26 апреля 2024 Admin

Бүген, 26 апрель көнне, Казан Кремленең гавами урыннарында Татарстан Рәисе Рөстәм Миңнехановның татар җәмәгатьчелеге белән очрашуы уза.

«Глобализация чорында телебезне, гореф-гадәтләребезне саклау – безнең өчен мөһим мәсьәлә...» – дип ачып җибәрде республика башлыгы чараны.

Очрашуда Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе 2020 елдан эшләве дә әйтелеп узды.

Рөстәм Миңнеханов Бөтендөнья татар конгрессының эшен дә телгә алды. «Күп кенә сәфәрләр, чаралар үткәрәбез. Шактый күп эшләр эшлибез. Әмма да бу бик аз тоела. Төп мәсьәлә – мәктәпләрдә генә түгел, телне гаиләдә үстерү. Әгәр телебезне кулланмасак, аны беркем дә өйрәнмиячәк», – дип ассызыклады Татарстан Рәисе.

Таңсылу Габидуллина