«Тархан» тарихи-мәдәни бәйгесенең өченче сезоны төшереләчәк
Татарстан Милли китапханәсендә «Тархан» тарихи-мәдәни бәйгесенең өченче сезоны төшереләчәк.
13–16 февраль көннәрендә Татарстан Милли китапханәсендә «Тархан» тарихи-мәдәни бәйгесенең өченче сезоны төшереләчәк.
«Тархан» телепроектының планлаштырылган 1/8 финалы монгол чорына кадәр Россия һәм Татарстан тарихы һәм мәдәнияте темасына багышлана. 1 ⁄4 финалда катнашучылар исә Федор Шаляпинның тормыш юлына һәм Казан федераль университетының 220 еллык тарихына «чумачак», – дип хәбәр итә бәйгенең оештыру комитеты.
Проектның җиңүчесе, шулай ук ике призеры Казан федераль университетының «Төрки халыклар тарихы» профиленә укырга керүдә өстенлекле хокукка ия булачак.
Проектны Татарстан Мәдәният министрлыгы һәм Казан федераль университетының Халыкара мөнәсәбәтләр институты гамәлгә ашыра.
Әлеге бәйгедә катнашып, беренче урынны яулаган 8 нче сыйныф укучысы Илнур Әмирханов турында биредә укып белә аласыз.
Фәния Лотфуллина
Язмага реакция белдерегез
Вход на сайт
Тинчурин театры оркестры 35 еллыгын билгеләп үтә
Тинчурин театрында К.Тинчурин исемендәге Татар дәүләт драма һәм комедия театры оркестрының 35 еллыгы уңаеннан юбилей концерты узачак.
28 февральдә 18.30 сәгатьтә Тинчурин театрында К.Тинчурин исемендәге Татар дәүләт драма һәм комедия театры оркестрының 35 еллыгы уңаеннан юбилей концерты узачак.
Бәйрәмдә тамашачыларны оригиналь музыка уен кораллары, театр артистлары һәм музыкантларының яңа яктан ачылуы, музыкаль юмор, 100% тере тавыш көтә.
Оркестрны бәйрәме белән котларга аның күптәнге дуслары – Татарстанның халык артисты Рөстәм Асаев, Татарстанның атказанган артистлары Артур Исламов һәм Эльза Исламова, Илнар Фәйзетдинов, шулай ук Илшат Вәлиев, Гөлнара Байназарова, Рөстәм Насыйбуллин, Айтуган Вәлиәхмәтовның килүе көтелә.
Музыкаль кич дәвамында татар халык көйләре, җырлары белән беррәттән татар классик музыкасы җәүһәрләре, чит ил хитлары, шулай ук Ильяс Камал, Рөстәм Абязов, Эльмир Низамов, Артем Пискунов һәм Артур Исламов композицияләре яңгыраячак.
Моннан тыш, театр артистлары – Россиянең атказанган, Татарстанның халык артисты Зөфәр Харисов, Татарстанның халык артистлары Резедә Төхфәтуллина, Рамил Минханов, Татарстанның атказанган артисты Ренат Шәмсетдинов, театрыбыз артистлары Илнур Байназаров, Артем Пискунов һәм Резедә Сәләхова башкаруында Тинчурин театры спектакльләреннән җырлар булачак. Татар театрының формалашу һәм барлыкка килү тарихы музыка аша бәян ителгән әлеге концерт бер гаиләнең төрле буын вәкилләре өчен дә кызыклы булачак, дип хәбәр итә театрның матбугат үзәге.
Фәния Лотфуллина
Фото Тинчурин театры сайтыннан
Следите за самым важным и интересным в Telegram-каналеТатмедиа
Яңалыклар битенә керегез
ТӘКЪДИМ ИТӘБЕЗ
Комментарийлар