Татарстанда -25 градуска кадәр суыта

Бүген, чәршәмбе көнне, Татарстан территориясендә алмашынучан болытлы һава торышы көтелә. Явым-төшем фаразланмый, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Төнге һәм иртәнге сәгатьләрдә республикада томан төшүе ихтимал. Һава температурасы -15...-20 градуска, урыны белән -25 градуска кадәр төшәчәк дип фаразлана. Көндез -8...-13 градус салкын булуы көтелә.