Татарстанлылар «Россия студентлар язы»нда

05 июня 2024 Мәгариф

Татарстанның югары уку йортлары студентлары Россиянең 80 төбәгеннән булган 3600 катнашучы арасында студентлар язы фестиваленең иң яхшылар өчлегенә керде.

Татарстан Республикасы гомуми зачетта 2 нче һәм «Региональ программа» юнәлешендә 3 нче урынны алды. Бу хакта Татарстан Республикасы Яшьләр эшләре министрлыгы матбугат хезмәте хәбәр итә.

Татарстан делегациясе Татарстан Республикасының 10 югары уку йортыннан – 16 иҗат коллективыннан тора, алар 38 номерны тәкъдим иттеләр.

«Россия студентлар язы» Бөтенроссия фестивале йомгаклары буенча Татарстан Республикасы 17 призлы урын һәм ике проектка 1,5 млн сумнан артык грант алды.