Татарстанның атказанган фән эшлеклеләре сафы тагын бер галимгә  артты

        Укытучыларның  август киңәшмәсендә  Татарстан Рәисе Рөстәм Миңнеханов мәгариф тармагында эшләүче бер төркем укытучыларга, галимнәргә  хөкүмәт бүләкләре тапшырды.
        Бүләкләнүчеләр арасында татар әдәби  мирасын өйрәнүгә, аны халкыбызга һәм яшь буынга  җиткерүгә зур өлеш керткән галим –  Галимҗан Ибраһимов исемендәге Тел, әдәбият һәм сәнгать институтының әдәбият бүлеге мөдире, педагогика фәннәре кандидаты, филология фәннәре докторы  Әлфәт Закирҗанов   та бар. Аңа «Татарстанның атказанган фән  эшлеклесе» дигән мактаулы исем бирелде.
        Галимнең бу шатлыгын иң беренче уртаклашучылар арасында «Мәгариф» журналы җитәкчелеге белән бергә, Казандагы Ш. Мәрҗани исемендәге 2 нче гимназиянең элеккеге директоры, Татарстанның халык укытучысы  Камәрия Хәмидуллина да бар иде.

Альберт САБИР

Автор фотосы