БДИны тапшырганда тиешле балл җыя алмасаң?

Бердәм дәүләт имтиханы  тапшыру вакыты расланды. Ул Россия бенча  31 майдан башланып 2 июльгә дәвам итәчәк. Экзаменны югары уку йортларына керергә теләүчеләр генә тапшырачак. Андыйлар ил буенча 700 мең укучыдан артып китә. Кемнәргә мәктәп аттестаты гына кирәк  булса  белем дәрәҗәсен ачыклау өчен алар рус һәм математикадан чыгарылыш имтиханф гына бирәчәк.  Сәламәтлеге чикле  инвалид-балалар бердәм дәүләт имтиханы яки  аттестат алу  өчен генә каралган сынауларга нигезләнгән  бары тик рус теленнән  имтихан бирәчәк.
 Әгәр дә бердәим дәүләт имтиханы  тапшыручы бала  төп һәм өстәмә көннәрдә дә имтихан  тапшырганда  тиешле балларны җыя алмаса , андыйлар  сентябрь аенда  имтихан биреп,  чыгарылыш дәүләт имтиханы ташырып  аттестат алу мөмкинлеге бар.
Теге яки бу  фәннәрдән имтиханга күпме вакыт бирелүе күпләрне кызыксындыра.  Әйтик математика, физика, тарих,  җәмгыят белеме, информатика, әдәбияткз 3 сәг 55 минут вакыт каралган. Рус теле һәм химиягә 3 сәг 30  мин . География һәм чит телләрдән язмача сынауга 3 сәгать ) инглиз, француз, немец, испан телләреннән телдән бирүгә15, кытай теленә 12 минут вакыт бирелә.
Имтиханга  телефон белән керергә ярамаганлыгы билгеле инде . Ә менә математикага линейка белән, физикага  шуңа өстәп  калькулятор , химиягә  Менделееев таблицасы, тоз, кислота белән дә  географиягә  транспортир  белән керү рөхсә ителә.  

Альберт ЗАҺИРОВ