«Биләр-Сәләт» форумын онытырлык түгел

Ниһаять, быел мин «Биләр-Сәләт» форумына бардым. Абыем сөйләгәннәрдән барып күрергә бик тә кызыга идем.

Без төрле «каганат»ларга, «ханлык»ларга бүлендек. Мин «Кодрәк хан ханлыгы»на эләктем. Безнен смена IT-технологияләр юнәлешендә эшләде. Һәр көнне төрле дәресләр оештырылды. Дәресләрнең үз күңелебезгә ошаганнарына сайлап йордек. Мин, мәсәлән, интернет сайты, интернетта уенннар ясарга өйрәтә тоган дәресләргә кердем. Безнең өчен бу дәресләрне Мәскәүдәге IT-лицей укытучылары уздырды. Кичләрен төрледән-төрле чаралар оештырылды: төрле спорт ярышлары, концертлар, «Нәрсә? Кайда? Кайчан?» кебек интеллектуаль уеннар һ.б.

Шушы биш көн эчендә без яңа дуслар таптык. Кызганыч, форумның көннәре аз булды. Киләсе елга да «Биләр-Сәләт» форумына барырга һәм яңа дусларыбыз белән кабаттан очрашырга дип сөйләштек.

Фирүзә ИСКӘНДӘРОВА,
Мамадыш районы Урта Кирмән урта мәктәбенең 8 нче сыйныф укучысы

Добавить комментарий

Ваш адрес email не будет опубликован.