Гөлназ Гафуровадан тозлы кәбестә рецепты

Ингредиентлар: 6 кг кәбестә, 4 кишер, 6 аш кашыгы тоз.

«Кәбестәне цинк яки алюмин савытларда тозларга ярамый. Иң тәмле кәбестә агач кисмәкләрдә була. Шулай ук махсус ризык сала торган пластмасса савытларга да тутырырга була. Ә банкаларда тозлау уңайлы түгел.

Кәбестәне тыгызлап тутырырга кирәк, бу аның согын чыгару өчен эшләнелә.

Кәбестәне өч көн җылыда тотарга кирәк. Аны көнгә бер тапкыр булса да болгаткалап алырга онытмагыз, чөнки кәбестә әчегән вакытта газ җыела, аны чыгармасаң тәме үзгәрә. Шулай ук кишерне дә күп салмаска кирәк, ул да тәм үзгәрүгә китерә», — дип киңәшләрен биргән җырчы.

Кәбестәгә алма һәм тозлы кыяр салырга мөмкин.

Тозлы кәбестәне салкын урында сакларга кирәк.

Чыганак: Интертат
Фото «Татар-информ» архивыннан

Добавить комментарий

Ваш адрес email не будет опубликован.