Рус география җәмгыятенең Яңавыл бүлеге рәисе Фәрит Харисов фаҗигале һәлак булды

Рус география җәмгыятенең Яңавыл бүлеге рәисе, педагог Фәрит Харисов вафат. Җәмгыятьнең матбугат хезмәте хәбәр иткәнчә, ул юл һәлакәтенә эләккән.
Рус география җәмгыятенең Башкортстан бүлеге мәрхүмнең туганнарына кайгы уртаклашу белдерә.
КФУ да Фәрит Харисовның вафаты сәбәпле, аның энесе, университет профессоры Фираз Харисовның, мәрхүмнең туганнары, якыннарының кайгысын уртаклаша.
«Казан федераль университетының Филология һәм мәдәниятара багланышлар институты җитәкчелеге, укытучы һәм студентлары бертуган энесе Харисов Фәрит Фәхраз улының вакытсыз вафат булуы сәбәпле, татар теле белеме кафедрасы профессоры, педагогика фәннәре докторы Харисов Фираз Фәхраз улының, мәрхүмнең гаиләсе, туганнары һәм якыннарының тирән кайгысын уртаклаша», диелгән хәбәрдә. 
«Мәгариф», «Гаилә һәм мәктәп» журналлары редакциясе коллективы галим , педагогика фәннәре докторы, 1997-2004 елларда Татарстан Мәгариф министрлыгын җитәкләгән Фарит Харисов һәм Казан шәһәренең 15 нче татар гимназиясе директоры Фәнит Харисовның, туганнарының, якыннарының тирән кайгысын уртаклаша.