«Татмедиа»да Нәүрүз

21 март – төрки халыкларны берләштерүче матур яз бәйрәме. Яңа ел башлануын элеккеге заманнарда нәкъ менә бу көнне бәйрәм иткәннәр дә инде.

Бүген көн белән төннең дә тигезләшкән мәле. «Татмедиа» һәм «Китап» радиосы ачык һавада күңелле бәйрәм оештырды. Хезмәткәрләр һәм килгән кунакларны «Татмедиа»ның генераль директоры Шамил Садыйков котлады. Танылган җырчылар Зәринә Хәсәншина һәм Илгиз Мөхетдинов моңлы җырларын бүләк иттеләр. Саф һавада пешкән пылау һәм баллы чәй дә күңелләрне тагын да күтәреп җибәрде. Нәүрүз мөбәрәк булсын, дуслар!