Тукай шигырьләре төрле телләрдә укылачак

13 апрельдә 10.00 сәгатьтә КФУның Габдулла Тукай исемендәге Милли мәдәният һәм мәгариф югары мәктәбендә Тукайның туган көненә багышланган «Кузгатмакчы булсаң халык күңелләрен» иҗади-фәнни бәйгесе узачак. Аны институтның татар тел белеме кафедрасы уздыра.

Конкурста шагыйрьнең шигырьләрен төрле телләрдә ишетеп булачак.

Бәйгенең максаты — сәләтле студентларны ачыклау, интеллектуаль һәм иҗади сәләтләрне үстерү, туган телне, әдәбиятны һәм мәдәниятне саклау һәм популярлаштыру.

Шигърият бәйрәмендә катнашу өчен фәнни-тикшеренү эшләре һәм гаризаларны 8 апрельгә кадәр [email protected] электрон адресына җибәрергә кирәк.

Номинацияләр:

  • «Без — Тукайлы халык» (татар телле студентлар Тукайның татарча шигырьләрен укый);
  • «Татар теле — күңелем теле» (чит ил студентлары Тукайның татарча шигырьләрен укый);
  • «Тукай моңы — җиһанда» (Тукай шигырьләренең төрле телләргә тәрҗемәсен укыйлар);
  • «Тукай — безнең күңелләрдә» (студентлар Тукайга багышланган шигырьләрен укый);
  • «Габдулла Тукай иҗаты турында әйтер сүзем» (Тукай иҗатына бәйле фәнни-тикшеренү эшләре).

Бәйгедә Татарстанның югары һәм урта-махсус уку йортлары студентлары катнаша ала.

Добавить комментарий

Ваш адрес email не будет опубликован.