Венера Якупова яңа китабын тәкъдим итә

Татарстан китап нәшриятында язучы Венера Якупованың «24 рецепта успеха» исемле китабы дөнья күрде. Шушы уңайдан 18 майда, «Әдәби кафе»да (Декабристлар ур., 2, Татмедиа, 1 кат) 14.00 сәгатьтә авторның автограф-сессиясе узачак.

Ничек бәхетле булырга? Уңышка ничек ирешергә? Карьераны ничек ясарга? Әлеге китапта укучы шушы сорауларга җавап таба алачак. Китапта бу сорауларга танылган һәм зур уңышларга ирешкән шәхесләрнең дә җаваплары да урын алган. Алар арасында Татарстанның беренче Президенты Минтимер Шәймиев, психолог, бестселлерлар авторы Михаил Литвак, аралашу өлкәсендә иң яхшы экспертларның берсе Аллан Пиз, танылган сәясәтче Ирина Хакамада, Татарстан телевидениесе легендасы Лия Заһидуллина, астролог Марианна Полонски һәм башкалар бар.

Якупова Венера Абдулла кызы – «Казанские ведомосте» республика газетасының баш мөхәррире, ТР Журналистлар берлеге әгъзасы, Татарстан Язучылар берлеге, Россия Язучылары берлеге әгъзасы, шулай ук Россия Минцифра каршындагы төбәк басма ММЧ буенча эксперт советы әгъзасы,  «Суверенитет турында 100 вакыйга», «Кырым татарлары, я Сталиннан сәлам!», «Россия журналистикасының явызлыгы да яхшы». «Казанда балачак музее», «Берлинга кадәр юл күрсәткеч» китапларының авторы.

 

Керү ирекле!

Добавить комментарий

Ваш адрес email не будет опубликован.