Ял көннәрендә Татарстанда һава торышы начарланырга мөмкин

Синоптиклар казанлыларга атна ахырына һава шартларының начараюы турында фаразлый

Бүген Казанда аязучан болытлы һава торышы көтелә, урыны белән бераз кар явачак. Көндез 0-2 градус булачак. Юлларда бозлавык саклана.

Ял көннәрендә һәм киләсе атна башында Татарстан көнбатыштан авышкан тирән циклон йогынтысында калачак. Ул республика территориясенә мул явым-төшемле һәм көчле җилле җылы һава алып киләчәк. Юлларда бозлавык, урыны белән кар өемнәре һәм кар боткасы булачак. Бу чорда һаваның уртача тәүлеклек температурасы нормадан 3-4 градуска югарырак булачак.

Шимбә һәм якшәмбе, 20 һәм 21 ноябрь көннәрендә, шулай ук дүшәмбе көнне, 22 ноябрьдә, урыны белән кар, юеш кар, буран һәм секундына 15-20 метрга кадәр көчле җил көтелә. Төнлә һава температурасы 0-6 градус, көндез +1 градустан -3 градуска кадәр тирбәләчәк.

Шимбә көнне атмосфера басымы интенсив рәвештә төшәчәк һәм кичен минимумга җитәчәк, ә якшәмбе көнне үсәчәк, дип хәбәр итә ТР Гидрометеорология һәм әйләнә-тирә мохитне күзәтү идарәсе. 

«Татар-информ»

Добавить комментарий

Ваш адрес email не будет опубликован.