Логотип Магариф уку
Цитата:

Яңа туган баланың чәчен кайчан алырга?

Бала тугач 7 нче көнгә чәчен алу  сөннәт гамәл булып тора.Шулай ук Расүлебез шушы чәч авырлыгында көмеш һәм алтынны садака итеп мохтаҗларга таратырга кушкан.Билгеле булганча, Пәйгамбәребез салләл...

Бала тугач 7 нче көнгә чәчен алу  сөннәт гамәл булып тора.


Шулай ук Расүлебез шушы чәч авырлыгында көмеш һәм алтынны садака итеп мохтаҗларга таратырга кушкан.


Билгеле булганча, Пәйгамбәребез салләллаһу галәйһи вә сәлләм оныгы Хөсәен дөньяга килгәч, кызы Фатыйма радыяллаһу ганһәгә баласынының чәчен алырга һәм алтын белән көмештән садака таратырга әйткән.


Тагын бер кызыклы фактка игътибар итик: яңа туган баланың чәчен 7 нче көнне алу һәм садака тарату баланың акыллы һәм зирәк булуына илтә.


Бер кызыклы вакыйганы тәкъдим итәбез:


Әлеге хәл Германиядә булган.


Мөселман гаиләсендә бала туа һәм алар сөннәт буенча эш итеп, аның чәчен 7 нче көнгә алалар һәм садака тараталар. Берничә көннән соң баланы күрсәтер өчен табибка килгәч, ул гаҗәпсенеп: “Баланың чәчен сез алдыгызмы, яки ул шундый булып тудымы?”, – дип сорый.


Әни кеше: “Без алдык”, – дип җавап бирә. Шунда табиб гаҗәпләнүенең сәбәбен аңлатып: “50 көн элек безнең галимнәр бала туганнан соң 40 көн дәвамындагы вакытта аның чәчен алсаң, бу баланың күзләре яхшы күрәчәк, чәчләре нык булачак һәм акыллы булачак һәм моның тагын бик күп файдалары бар, дип нәтиҗә чыгардылар. Бу гамәл 7 нче көнне башкарылса әлеге сыйфатлар тагы да яхшырак булачак. Шуның өчен мин гаҗәпкә калдым, чөнки бу ачыш 50 көн элек кенә ясалды. Сез бу хакта каян белдегез”, – дип сорый.


Баланың әнисе: “Без моны пәйгамбәребез Мөхәммәд салләллаһу галәйһи вә сәлләмнән белдек”, – дип җавап бирә. Табиб аңлап бетермичә, Расүлебезне исән кеше дип уйлап: “Ничек тиз килеп җиткән мәгълүмат сезнең пәйгамбәрегезгә” , – ди.


Моңа җавап итеп әни кеше: “Ул 1400 ел элек яшәде һәм күптәннән фани дөньядан китте”, – дип әйтә. Табиб бик нык гаҗәпләнә.


Чыганак: din-turinda

Язмага реакция белдерегез

0

0

0

0

0

Реакция язылган инде

Комментарийлар

БАШКА ЯЗМАЛАР

Ишетми калмагыз

Аудиоязмалар

  • Гильм Камай

  • Җәлилнең якын дусты

  • Ирек Нигъмәти - "Кояш сүнде ул йортта"

  • Ләйлә Минһаҗева - "Милләтебезгә тугры, буыннарга үрнәк шәхес"


ТӘКЪДИМ ИТӘБЕЗ